梨滿園韓國料理 (已結業)

是日同朋友去咗樂富行街，經過見到呢間個店名好似好熟悉，店面又幾企理及幾有韓國風，恰巧有啲餓就入咗去食嘢。坐低咗發現啱啱到下午茶時間，so good! 當然要叫下午茶餐。同朋友一人叫咗一個share食。落完單就送咗兩份配菜過嚟，每份有兩款。豚肉炒飯 $39豚肉炒飯原來有隻太陽蛋喺熱呼呼的炒飯面，蛋白滑滑又有蛋香。豚肉應該用咗五花腩又香又嫩。炒飯炒得夠乾身，味道亦好香。辣牛肉粉絲煲(跟飯) $43辣牛肉粉絲煲有好多配菜，包括蛋花、冬菇、青蔥、洋蔥、金菇。煲嘅主角牛肉和粉絲連埋配菜浸咗喺微辣嘅湯中，湯瀰漫着牛肉的鮮味。用匙羹連白飯放入湯當湯飯食，效果更好。蜂蜜生薑茶凍奶茶少甜店內環境都好有韓國風情，不用半百就食到份韓式套餐，不失為想食韓國菜的好選擇。