正宗上海生煎皇 (已結業)

今日上左嘉頓山影日落，影左落黎就去試下都幾出名既上海生煎皇，第一次幫襯依間生煎包店，一向都喜歡吃上海菜，不過反而少食生煎包，因為唔係度度都整得好味。今次叫左麻辣雲耳同皮蛋豆腐做前菜雲耳好香麻味唔算太辣，份量都幾多，抵食，皮蛋豆腐好滑，皮蛋就普通，總括都算ok。到重點推介既生煎包一人食一個，味道幾好不過稍欠少少湯汁，同埋皮唔算好脆口，中規中矩。另外叫左個擔擔麵花生味幾香，比平時食既淡味少少，不過我個人比較喜歡淡味，麵既硬度適中。下次經過我都會再幫襯，因為價錢比較經濟。