博多拉麵別天神 (已結業)

成日去到北角食飯唔知食咩好嘅時候，就會諗到去博多拉麵別天神食拉麵👫，又快又方便又好味.每次嚟到我都會食佢哋嘅小龍蝦沙律🦞，真係百吃不厭啊，淡淡小龍蝦肉，再用紫菜包住嚟食，十分美味😋.今次拉麵我就叫咗蝦味增拉麵🦐，湯底濃郁，叉燒亦夠入味，糖心蛋亦流心🥚，仲有好多我鍾意食嘅粟米粒添，面嘅份量都幾多多，價錢又唔貴，真係好抵食👍🏻.另外佢哋仲有好多款調味料俾你自由加配，有芝麻，蒜泥，辣芽菜，七味粉，拉麵胡椒同紅薑，你中意點加都得😄.另外，店內仲有幅牆可以將你嘅願望寫落去添🤭