至尊重慶雞煲 (創興廣場)

營業中

休息中

除咗放題之外香港人越嚟越鍾意食雞煲因為可以順便打埋邊爐😁😁但係當中梗係要有啲要求啦就例如唔可以缺少咗辣嘅元素，所以雖然而家有越來越多雞煲係主打辣但係要搵到一間高質素嘅餐廳亦都唔容易㗎，雖然旺角大把放題打邊爐同埋雞煲但當中我會推介呢一間至尊重慶雞煲😇😇😇首先個環境當然要夠大同埋冷氣足夠，始終夏天嘅時候打下打下會覺得熱咁當然要個環境舒服乾爽啦🔥🔥 然之後入到去就已經見到琳琅滿目嘅飲品， 唔係剩係得汽水咁簡單。距離唔係好遠嘅地方已經見到幾大個雪櫃放咗一盤盤好大盆嘅打邊爐嘢食， 真係未睇到已經覺得肚餓。當中嘅雞煲當然就係一大主角，辣度任君選擇，但嗰個香味就係滋味十足，隨着時間嘅增長入邊嘅湯汁會越嚟越濃所以雞肉嘅味道亦都會隨着時間嘅增長而變得越嚟越入味😻😻😻 當然去到太濃稠嘅時候可以加少少雞湯落去中和下都好。食完雞之後又係時候出去攞一大盆嘢食嚟打邊爐，選擇亦都肯定比出邊打邊爐嘅舖頭為多，最基本嘅遠慮肉類菜類基本上齊晒， 最深刻最深刻一定係有花膠❤️❤️❤️即使唔係蔘茸海味嘅花膠但味道絕對稱得上淡淡骨膠原嘅感覺，目前為止我只會發現到呢一間有提供花膠，之後都會有一啲台式嘅腸又或者係甜不辣，款式真係應有盡有