✎ 慢煮美國封門牛柳沙茶天使麵 + 半份梅子醉豬手
材料有牛柳、天使麵、幾粒蕃茄、洋蔥同三色椒。天使麵食落略為乾身，無乜油膩感，幾素食feel，味道少辣，應該灑咗辣粉調味。而牛柳 質素唔錯，煮到紅嫩而軟腍，少少鹹，充滿口感，咬落個下仲浸出濃郁嘅牛味！豬手充滿濃烈梅酒味，滑嫩可口，冇乜肥膏。
✎ 鐵板惹味菜脯燒賣
呢碟同樣都有三色椒、洋蔥、蔥同菜脯。燒賣都幾大粒，軟腍，入面唔粉，加咗菜脯同xo醬，令成碟菜式色香俱全，極為惹味。不過呢碟偏油膩～
✎ 雞蛋仔101畫室
外脆內軟，雞蛋仔味濃。有各種水果伴碟，例如藍莓、士多啤梨、菠蘿同香蕉，清新感十足。亦都有好多醬料伴碟：檸檬醬、花生醬、辣朱古力醬、藍莓醬，各種口味任你揀。呢道甜品最特別之處係會提供食用顏料俾你，任你發揮自己小宇宙，係甜品上面二次創作，而食用顏料係煉奶同海鹽焦糖醬，加落雞蛋仔度食，味道配搭亦唔會怪～
✎ 西瓜香檸
酸酸地，有啲果肉粒係底，整體嚟講西瓜味冇乜，味道略淡，可能放太多冰落去。
