芝樂坊餐廳

今日係尖沙咀附近做完野之後心血來潮想食番件cheese cake🧀🍰, 於是就去左The Cheesecake Factory買, 佢嘅蛋糕櫃入面有好多選擇, 件件都好大件好吸引, 睇到小妹花多又眼亂👀💫, 最後小妹決定外賣一件青檸芝士蛋糕🍋🧀🍰嚟試下, 一打開個盒就已經聞到好香好濃烈嘅青檸味😆, 第一啖食落口青檸味非常突出🤔, 口感細膩而且好幼滑, 青檸嘅酸味刺激又清新☺️, 不但中和左芝士嘅膩感, 仲增加埋食慾, 配埋雲呢拿做嘅餅底, 有一啖接一啖嘅感覺! 身處係蛋糕旁邊嘅cream亦不可忽視, 打得非常香滑厚實, 整體味道唔錯, 推介!😋👍🏻👍🏻