影片
更多
2025-08-11
0 瀏覽
今次嚟到筲箕灣搵潮州菜，見到網上好多人推介呢間潮發魚仔店，梗係要一試！餐廳有兩層，樓下已經坐滿，幸好上到去二樓，環境都幾整潔舒服，店員態度都OK，招呼得體。主打鵝片拼鵝腸（$198），份量十足，鵝片厚身，滷水味夠晒入味，底下仲有滷水豆腐同花生，食落層次感豐富，啱晒鵝迷。潮州蠔餅（$128）蠔仔份量唔少，蠔🦪有大有細，配上粉漿、雞蛋一齊煎，外脆內嫩，帶有潮汕風味。方魚肉碎粥（$68）胡椒味突出，粥底滑溜，配料有大地魚乾、肉碎、蔥等，鹹香兼帶鮮味，飲完暖笠笠好有驚喜。同埋佢一碗都幾大碗，可以分到四小碗👍豬油炒菜心（$108）就最啱送飯，豬油渣香脆，菜心新鮮，賣相都幾吸引。整體來講，筲箕灣呢間潮發魚仔店真係值得一試，鍾意食潮州菜嘅朋友唔好錯過！
主打鵝片拼鵝腸（$198），份量十足，鵝片厚身，滷水味夠晒入味，底下仲有滷水豆腐同花生，食落層次感豐富，啱晒鵝迷。
潮州蠔餅（$128）蠔仔份量唔少，蠔🦪有大有細，配上粉漿、雞蛋一齊煎，外脆內嫩，帶有潮汕風味。
方魚肉碎粥（$68）胡椒味突出，粥底滑溜，配料有大地魚乾、肉碎、蔥等，鹹香兼帶鮮味，飲完暖笠笠好有驚喜。同埋佢一碗都幾大碗，可以分到四小碗👍
豬油炒菜心（$108）就最啱送飯，豬油渣香脆，菜心新鮮，賣相都幾吸引。
整體來講，筲箕灣呢間潮發魚仔店真係值得一試，鍾意食潮州菜嘅朋友唔好錯過！
張貼
