浜滝

營業中

休息中

一直好想試一試，昨晚上9點左右去到，入面無乜人，室內環境好有特色，感覺好整潔，餐牌上食物種類比較一般拉面店有特色，原本諗住叫兩碗拉面，最後我太太話叫一碗試左先(真係機靈小寶寶)，好啦，就叫一碗試下，加左兩隻生蠔，一個燒餅，一杯生啤。。。等左一陣。。。。拉面到。。。。乜唔係會上左冷盤先嫁咩？算。。。見個樣幾靚影張相先，呢個時間我俾我老婆試頭淡湯，第一句就係好咸！之後就話唔熱既。。係咪舊石果邊會熱啲？！我已覺得伏伏地，我一試。。。暖既。。。舊石阻頭阻勢。。。本身個湯都唔熱加舊石落去做乜，多餘，個傑屎噠噠既湯已經少。。仲要加舊石！食多兩啖越來越火滾！好嬲！叫佢換！換左之後熱番晒，但講真。。我感覺好似食緊撈面，好難食，最後碗面同我老婆食左3分1就叫佢收走，佢好有禮貌問我係咪個湯唔得，我亦好好語氣回覆了一句。。。。真係好難食。。等多陣。。。咦？個蠔終於都開到出黎，我只想講隻蠔等左甘耐感覺就似冰箱解凍後再加汁，隻蠔雪到冰一樣，無味！燒餅就不過不失，全單280蚊，我太太喜歡個燒餅，我最喜歡杯生啤！完！一定無下次。