正宗蘭州牛肉拉麵 (已結業)

蘭州最出名既，莫過於蘭州拉麵。香港唔多地方有得食，見到尖沙咀呢間食店以此招徠，就試下啦~原來除左蘭州拉麵，仲有好多野食！曾經沿著絲綢之路走了一趟，呢本menu完全喚起當時既回憶，因為它仲有唔少我係新疆、西安食過既美食。p.s.本menu係用西紅柿，土豆呢啲term ge😂牛肉麵是必點的。雖然冇得選麵條粗幼有少少失望，不過呢碗拉麵真係有水準。麵條勁滑唔淋，湯青而鮮香，第一次黎一定要試下。羊肉串同雞翼好重孜然味，燒得乾身唔油~叫左一碟炒牛肉，比外貌好吃。洋蔥炒得好香，冇個種好生好辣既感覺(直頭唔覺有洋蔥味)，有少少油，怕油既話就唔好叫了~個葱油餅脆得黎唔油，不過淨食有啲寡，配埋碟牛肉同串燒就啱晒。