WOFT (已結業)

今天心情好差，老死帶我去飲下嘢，問佢有無好提議，佢帶了我來到Woft，佢話鐘情佢有老蘭Feel。 感覺實在不錯，真係有老蘭Feel，美式酒吧，半開放式，樓式特高，情調唔錯，今晚酒吧頗多人，也有外國人，人人投入飲野，傾計、談心談情，感覺人氣至極。找了靠牆座位，有沙發躺著，好舒適。我今晚好想喝Cocktail，點了Ball and Law (名字幾攪笑) ，淡淡菠蘿味，酒味較清，容易入口，拋開悶人的工作，好輕鬆。美個肉眼扒，要7成熟，好像稍熟了點，肉味很濃，吃時嫩滑也有肉汁。佢最愛喝手工啤，鐘情雷公啤酒的他，一枝又一枝(本不想喝，卻被他強行要我喝)，其實味道唔錯啤酒味濃又有回甘味。邊喝邊談著自己的工作不快事，原來跟我也是同路人，滿肚怨氣，跟他Cheer 盡飲。肚子飽飽，來了脆焗棉花糖朱古力夾心批，食甜品不只是女人專利，男人有時也會吃甜減下壓，外脆，內爆出流心甜濃朱古力漿，消化餅一蘸上朱古力漿齊食，又是另一風味，好正的甜品。凌晨2時，我和老死帶著醉意回家，幸好，明天不用上班