影片
更多
2019-12-29
97 瀏覽
上網見到尖沙咀柯士甸道有間新開嘅酒吧餐廳，勁多好評，咁啱今日行過附近就過嚟裝下。七點零去到唔算好多人，可以揀自己鍾意坐嘅位置，可惜有一個好有特色嘅雀籠佈置位已經俾人坐咗，咁我哋就揀咗一個角落嘅沙發位，都好chill架。Menu set咗喺平板電腦度，有好多款酒可以揀，唔飲酒嘅朋友好似我咁，叫返杯Mocktail又得。呢度啲飲品都做得好精緻，見到心情都靚晒，仲好好飲添！🥂Before 12lemon juice, angostura, sugar, tonic water🍹Happy Ending Pineapple juice, lime juice, passion fruit, soda water 食物方面，真係出乎我意料之外，估唔到一間餐廳酒吧，可以做得咁細緻，相信老闆一定係一個有好有要求嘅人，佢哋追求嘅唔單只係味覺嘅享受，亦都要做到視覺上嘅享受！每一款食物嘅擺盤都好花心思，味道比一般餐廳更勝一籌！🐙八爪魚沙律- 將八爪魚設成薄片，加上調製嘅醬汁，配上一啲食用花返做點綴，食落去有微辣嘅感覺，又酸酸地，胃口即刻開晒💞🦀阿拉斯加蟹肉配牛油果醬- 做得非常豐厚，有層次感！底部鋪滿又軟
七點零去到唔算好多人，可以揀自己鍾意坐嘅位置，可惜有一個好有特色嘅雀籠佈置位已經俾人坐咗，咁我哋就揀咗一個角落嘅沙發位，都好chill架。
Menu set咗喺平板電腦度，有好多款酒可以揀，唔飲酒嘅朋友好似我咁，叫返杯Mocktail又得。呢度啲飲品都做得好精緻，見到心情都靚晒，仲好好飲添！
🥂Before 12
lemon juice, angostura, sugar, tonic water
🍹Happy Ending
Pineapple juice, lime juice, passion fruit, soda water
食物方面，真係出乎我意料之外，估唔到一間餐廳酒吧，可以做得咁細緻，相信老闆一定係一個有好有要求嘅人，佢哋追求嘅唔單只係味覺嘅享受，亦都要做到視覺上嘅享受！每一款食物嘅擺盤都好花心思，味道比一般餐廳更勝一籌！
🐙八爪魚沙律- 將八爪魚設成薄片，加上調製嘅醬汁，配上一啲食用花返做點綴，食落去有微辣嘅感覺，又酸酸地，胃口即刻開晒💞
🦀阿拉斯加蟹肉配牛油果醬- 做得非常豐厚，有層次感！底部鋪滿又軟又滑嘅牛油果肉，面頭好多阿拉斯加蟹肉，用咗啲食用花瓣，又健康又吸睛！見到真係少女心爆發！
🍝蕃茄自家製pesto醬蕎麥麵- 呢個係專為素食者而設嘅一個主菜，店舖用上有機番茄，一啖咬落去已經爆汁，清清甜甜。青醬都係自家調配，有椒絲同菇片，醬汁味道剛好，醬汁掛滿喺每一條麵上面，簡單但好用心嘅菜式👍🏻
法國油封鴨髀- 驚喜不斷，估唔到係酒吧餐廳會有呢個菜底，仲要煮得非常非常好味😋用刀輕輕切落鴨髀時，會聽到脆卜卜嘅聲音，鴨肶好油潤，再沾上碟上用醋劃成既花，味道又提升一個層次。伴碟除咗靚之外，味道亦絕不馬虎，薯仔味道好突出，仲有少少薑味，咬落去有種香濃軟滑嘅感覺，我同老公超鐘意！💓
臨走時見到坐喺雀籠位嗰台客已經走咗，雖然冇得坐都忍唔住影返張相，遲啲一定要再約朋友仔嚟一齊食下飲下野，星期五六晚9:30後仲有live Music，今次趕住去睇戲唔得閒留低，下次絕不能錯過！
呢度侍應嘅服務亦都超讚，有耐性又有效率，行過見到有兩間房，原來一間遲啲可以睇波，一間遲啲可以唱卡拉OK，同朋友包房黎玩最適合不過！！
張貼
