禮記潮州滷水鵝專家 (已結業)

今日來到大埔超級城附近工作，沿路途經文娛中心就見到前面有一條長長嘅人龍，再行前多少少就俾撲鼻而來帶鹹香甜味嘅滷水汁香氣所吸引，原來喺昌運中心新開左間滷水店。


今晚要上阿媽度食飯就諗住喺「禮記」斬料加餸😆 哩度除左雞鴨鵝之外，仲有其他鵝內臟、豬耳、滷豆腐等等，仲有其他會係潮州滷水拼盤出現嘅食物，你都可以係到搵到👍🏻
由於家人唔係特別愛好內臟類，今次我就叫咗半隻滷水鴨同半隻貴妃雞加餸。


半隻滷水鴨份量都唔少，差唔多裝滿一盒，鴨肉肥瘦適中，鴨胸有肉地得嚟又唔會嚡身，重點係滷水汁完全入哂味，帶鹹香又甜甜地嘅滷水汁完全食得出師傅嘅功駕，而且鴨身上色十份平均，睇得出係心機之作。另外半隻貴妃雞都可以一試，雞肉嫩滑，調味適中，加上自製蔥油，大滿足呀！