宏 (已結業)

日本野真係食上癮。係紅磡收工，就去左新開呢間宏食高質烏冬。原來出左新野，見到鰻魚口水即刻流出黎，咁啱呢個套餐又可以食到烏冬。即刻叫左呢個黎試下。純日本白鰻魚，而且冇蒲燒鰻魚汁，真係第一次食。食左一啖原味，今日真正品嚐到鰻魚既原味。呢個白鰻魚唔會腥，反而好鮮甜。有4種醬汁配合埋鰻魚。可以食到好多款。鰻魚加少少鹽，味道特別甜。如果加左柚子汁，酸酸甜甜更加帶出鰻魚既鮮味。真係好好食。想食蒲燒鰻魚就點下蒲燒汁，好正。食到好多種味道。配埋個珍珠米飯，無敵！終於又可以食到海藻烏冬。呢個烏冬真係整得好好，質感滑，又彈牙。有少少既海藻味，加埋魚湯，清清地，但好甜好香。看似簡單，但味道高質，好值得試。食完仲有蛋卷食。揀左香草味蛋卷。蛋卷整得質感幼，滑。忌廉香，唔漏。好用心既蛋卷。飲埋斯里蘭卡紅茶，好香，有陣清香既士多啤梨味，高質既茶。