佳記麵家 (已結業)

﹝豬手撈系列之九﹞兒時的住處離這裡很近，都可說是睇住佢由街邊檔搬入舖的。從來不知這裡是否賣竹昇麵式有否用豬油，不過大碟又好食是真的，又係食左幾十年。去印刷搞埋點手尾，記起惡男寫這裡的食評，又行幾個街口來吃。一時許，人客很多，見剛有位，立即坐下。舖面是舊式麵店格局，吃完就走，不會好坐，亦奉旨搭檯。例牌的豬手撈，湯要多青。豬手撈大大碟，其實炆豬手自然有豬油，所以豬手撈麵一向都特別香，亦是我喜歡吃的一大原因。如再另下豬油，太膩了。豬手其實都有豬腳，皮多肉少。不過都炆得夠色水，五大件，夠晒份量。炆得好夠味，又入味，這裡下了麵醬，特別有風味。咬落有咬口，就算是豬腳，也相當出色。對喜歡吃豬手的朋友來說，是值得一試的，我一口氣也連啃三件，才開始吃麵；麵爽口，有一點點的鹼水味，剛好給豬手濃汁蓋過了。份量又夠多，有兩個麵餅，撈起豬手汁，香味十足，吃完是非常的飽足。如果龍記的已算是好，這裡的，更好。湯有點點的魚肉味，又真的是舖滿了蔥，街坊小舖，服務很好。埋單23蚊，豬手有水準，麵亦不錯。香港麵舖雖多，能有此水準的卻很少，值得一試。