吉列牛忌廉烏冬專門店 (百樂中心) (已結業)

📍 吉列牛忌廉烏冬專門店餐廳位於出名多嘢食嘅百樂中心22樓，餐廳座位都幾多。當晚店內都幾多食客，需要量體溫進入餐廳。➖➖📌吉列牛定食有一份牛肉、一碗珍珠米飯🍚、一碗面豉湯🍲、沙律🥗同前菜，吉列牛外層脆卜卜，放上石爐燒可以控制生熟度。牛肉肉質嫩滑無筋，燒爐夠熱可極快鎖住肉汁，令其保持鮮嫩。➖➖📌咖哩忌廉牛肉烏冬烏冬可以揀雞肉或牛肉，leighleigh係steak lover 黎，所以揀選左牛肉。牛肉一啲都唔靭，肉質都幾滑!成碗上到枱有嚇親，忌廉好似好漏咁樣，但係用筷子一夾，就發覺烏冬面頭的忌廉唔會太厚身，只係忌廉打得綿密，食落都唔會太漏!咖喱烏冬係帶日式口味，帶有少少辣，非常濃味，烏冬都幾煙韌。仲有洋蔥、西蘭花等蔬菜，夠曬營養!➖➖📌蒜片牛舌芯牛舌的味道和口感獨特，蒜片牛舌芯上到檯面時，只見牛舌切得大小和厚薄均勻，牛舌上鋪滿了炸得金黃色的蒜片，陣陣蒜香加上燒牛舌的香味撲鼻而來令人食指大動。把牛舌捲著蒜片送入口裡慢慢細品，只覺牛舌軟嫩濃郁，而蒜香完全滲入肉片中，絕對值得一試的餐前小食。➖➖  地址：銅鑼灣耀華街3號百樂中心22樓