影片
更多
2021-09-19
2235 瀏覽
Cafe 走簡約文青風, 白色既牆身上掛上啲綠色植物, 再配搭住淺木色既餐椅, 十分舒適簡約🍃 食物質素都相當有驚喜, 比我預期中更有質素☺️啤酒薯條配黑松露醬🍟($55)配合啤酒炸出黎既薯條特別酥脆, 再配埋黑松露醬絕對係無可挑剔🍻 上菜既時候仲熱辣辣, 趁熱食真係勁脆😍法式香草燒羊架🐐($228)羊架可以揀熟度, 我地今次揀左7成熟, 煙韌度啱啱好😋 羊既油脂剛剛好咬落帶少少羊羶味, 油脂提升左羊肉既濕潤度再配埋食羊架必備既薄荷醬真係不得了🥰 另外仲有微微燒過既紅蘿蔔同南瓜做伴碟🎃龍蝦汁大蝦意大利飯🦐($148)意大利飯相當濕潤, 濃濃既龍蝦香味配左冬菇片同埋翠玉瓜做配料, 口感相當之好, 仲有一隻肉質鮮嫩既大蝦, 呢個飯值得一試🤩白桃沙冰🍑 ($45)黎到桃既季節又點可以唔叫返杯桃既飲品呀🤪 沙冰有濃濃桃既香甜, 完全係真材實料, 呢啲天氣飲返杯真係爽到爆🤤雞尾酒水果茶🍹($29)呢款茶係熱既, 啱曬一眾養生既朋友😎 一小壺暖暖既水果茶, 微微既甜同水果香, 飲完個胃好舒服😌整體黎講CP值十分高, 舖頭唔大, 所以去前記得卜位呀😍 食完真係會明點解咁多人幫襯, 因為真係一間非常之用
Cafe 走簡約文青風, 白色既牆身上掛上啲綠色植物, 再配搭住淺木色既餐椅, 十分舒適簡約🍃 食物質素都相當有驚喜, 比我預期中更有質素☺️
啤酒薯條配黑松露醬🍟($55)
配合啤酒炸出黎既薯條特別酥脆, 再配埋黑松露醬絕對係無可挑剔🍻 上菜既時候仲熱辣辣, 趁熱食真係勁脆😍
法式香草燒羊架🐐($228)
羊架可以揀熟度, 我地今次揀左7成熟, 煙韌度啱啱好😋 羊既油脂剛剛好咬落帶少少羊羶味, 油脂提升左羊肉既濕潤度再配埋食羊架必備既薄荷醬真係不得了🥰 另外仲有微微燒過既紅蘿蔔同南瓜做伴碟🎃
龍蝦汁大蝦意大利飯🦐($148)
意大利飯相當濕潤, 濃濃既龍蝦香味配左冬菇片同埋翠玉瓜做配料, 口感相當之好, 仲有一隻肉質鮮嫩既大蝦, 呢個飯值得一試🤩
白桃沙冰🍑 ($45)
黎到桃既季節又點可以唔叫返杯桃既飲品呀🤪 沙冰有濃濃桃既香甜, 完全係真材實料, 呢啲天氣飲返杯真係爽到爆🤤
雞尾酒水果茶🍹($29)
呢款茶係熱既, 啱曬一眾養生既朋友😎 一小壺暖暖既水果茶, 微微既甜同水果香, 飲完個胃好舒服😌
整體黎講CP值十分高, 舖頭唔大, 所以去前記得卜位呀😍 食完真係會明點解咁多人幫襯, 因為真係一間非常之用心既小店, 絕對值得大家支持💛
張貼
