泰濃麵 (蘭芳道) (已結業)

最近見佢買咗好多次廣告，睇落又好似有少少吸引，跟住下午茶去幫襯，見$48幾合理，但係買單佢同我講要$54，咁我當然問點解啦，有個着廚師衫黑黑實實嘅中年男人，用啲好態度差嘅語氣同我答：堂食就$48，外賣係$54 㗎要給錢㗎！你要慳錢就唔分湯啦！我聽完當然好反感啦，咁我話唔分湯啦。之後就去咗便利店買支嘢飲再返嚟攞，我入到門口收銀處度等，個中年男人啤左我一眼，我話係呀攞返個外賣㗎，跟住佢回咗我一句：個外賣喺對面張枱自己攞啦！我。。。。吓！我心諗你啲服務真係夠晒親民！可能泰國嗰邊係咁樣掛🤔之後講返食品啦，講到個湯咁好食咁靚，都係咁流，用蟹柳，再試埋個湯真係完全冇特別囉，個冬陰功湯底一啲都唔濃郁😩唔好意思真係冇下次！