Hakuna Matata (已結業)

咪睇鰂魚涌好似淨係商業區咁，再加少少舊樓，但其實隱藏着唔少好嘢食。

今次食嘅呢一間小店，係後生仔經營嘅，每日都會換上唔同嘅餐牌，非常之有新鮮感。

今日咁啱就叫咗呢一個蔬菜燉牛肋肉，用上一個迷你嘅鑄鐵鍋，令到食物保持熱辣辣嘅溫度，而且每款蔬菜都燉煮得好淋，入口即化，湯頭鮮甜，一入口都係蔬菜嘅清甜。

牛肋肉肥瘦分明，同樣吸收晒蔬菜嘅甜味之餘，亦都燉得好軟。

整體來講質素唔錯，而且食得出好有心機煮，下次嚟都可以再試吓其他唔同款式嘅食物，希望同樣都咁有驚喜！