加藤屋 (H.A.N.D.S) (已結業)

餐廳：加藤屋 (屯門)地區：屯門地址：屯門屯門鄉事會路2A號 H.A.N.D.S N區2樓N-204-206號舖日期：12/9/2020 時間：11:30人數：3人等位：唔洗價錢：$166今日晏咗起身，費事又要去飲茶排長龍，所以同屋企人去咗間評價唔錯嘅快餐店加藤屋食嘢。去到佢岩岩開門，無乜人，唔洗等位👍🏻我哋嗌咗三個餐，分別係加藤牛肉飯$41、黑椒鐵板雞扒飯$56、咖喱鐵板雞扒飯$59、再加咗$10要埋個脆炸旋瘋薯條，三個都跟套餐連嘢飲，由於上次同呀媽食過佢嘅鐵板雞扒覺得好正，啲雞好香好好味，所以今次我哋都係叫鐵板雞扒，果然同上次一樣咁香口咁好食，又平又大份，絕對值得一再翻食👍🏻🤤不過如果叫鐵板餐會比其他餐嘅等候耐啲。而老豆叫果個牛肉飯佢覺得就中規中矩，但呢個價錢都算係咁；而個薯棒就好香脆，應該係新鮮炸，$10都算好抵食，值得一試。我哋三個人一共食咗$156，抵食平過飲茶少少同埋食晒嘅話會食到好飽，佢嘅鐵板雞扒飯份量算係超多，如果細食啲嘅女仔應該會食唔晒。總括而言，加藤屋係一間絕對抵食嘅快餐店，而佢嘅鐵扒雞扒飯都好值得去試！👍🏻👍🏻