多寶車仔麵 (已結業)

猴子今日閒來沒事做，加上友人話想去天后古廟攝太歲，於是走咗去筲箕灣一趟，順便睇睇嗰邊有乜好嘢食。友人提議去多寶食車仔麵，猴子即刻舉腳贊成，皆因好耐冇食過車仔麵，係時候refresh一吓memory，否則連車仔麵係乜嘢味都會唔記得。

猴子揀了蘿蔔、豬皮同豬大腸三個餸。

$34

「蘿蔔冇揀過太多渣，失敗。啲豬皮煮得太淋冇咬口，失敗。最慘係啲大腸……」猴子真係好想學《食神》裡面嘅史提芬周咁講呢堆對白，不過無理由為咗貪過癮而中傷人咁缺德。事實係呢度嘅車仔麵一啲都唔差，猴子叫咗個三餸下午茶餐，蘿蔔、豬皮、豬大腸，加埋餐飲只係HK$34，算係抵食，要留意嘅係下午茶餐嘅份量會比起正價餐少，不過猴子都覺得夠食。

1

猴子鍾意食油麵，貪佢夠彈牙。

$34

車仔麵的湯冇鹼水味，油麵亦係彈牙有咬口，蘿蔔冇渣，豬皮爽口，豬大腸亦冇腥味，雖然唔講得上係非常好食，但肯定唔會令猴子講「失敗」呢兩個字，至少第日行過都會再幫趁。