影片
更多
2008-10-28
近期極具人氣的一間食肆,一早已知人如潮湧,專程提早到埗,6點15分到,1樓有人響度影相似係拍廣告或者出繕稿,上到2樓已經半滿,所有窗口位都有人,打開餐牌一看,原來價錢唔貴,唔怪得咁多人,顧客亦不一定係年青人,一家大細又有,上咗年紀嘅阿婆都有.食物以西式為主,日式都有但唔多選擇,甜品就好多款,另外有menu.是晚套餐大約百元左右有湯或沙律,主菜,甜品,咖啡或茶,應該抵食但唔啱口味不如散叫,食咗以下數款:燒雞pizza, size不大但可分6件,批底不厚亦不太薄,頗適中,芝士豐厚,好味.香腸肉醬意粉, 水準OK,香腸肉醬俱多.焗什菌飯, 这個是全晚至愛, 菌類清甜,個汁又正, 好好味.焗青蠔, D青口幾大隻,面頭好多芝士個底又有薯茸, 好正.焗薯茸帶子蝦, 帶子同蝦各三件, 帶子好味D, 始終西餐D蝦不及中餐好.酥皮海鮮湯, 全晚至差, 酥皮唔夠脆, 海鮮雖然多料但唔夠新鮮.食完好飽連甜品都食唔落,唯有下次再嚟. 以旺角嚟講呢度D食物水準不俗, 價錢都好抵, 又就脚, 絕對可以番叮.
燒雞pizza, size不大但可分6件,批底不厚亦不太薄,頗適中,芝士豐厚,好味.
香腸肉醬意粉, 水準OK,香腸肉醬俱多.
焗什菌飯, 这個是全晚至愛, 菌類清甜,個汁又正, 好好味.
焗青蠔, D青口幾大隻,面頭好多芝士個底又有薯茸, 好正.
焗薯茸帶子蝦, 帶子同蝦各三件, 帶子好味D, 始終西餐D蝦不及中餐好.
酥皮海鮮湯, 全晚至差, 酥皮唔夠脆, 海鮮雖然多料但唔夠新鮮.
食完好飽連甜品都食唔落,唯有下次再嚟. 以旺角嚟講呢度D食物水準不俗, 價錢都好抵, 又就脚, 絕對可以番叮.
張貼