影片
更多
2018-07-02
409 瀏覽
幾年前嚟過食海鮮兩次，已經覺得D海鮮同其他菜式冇乜鑊氣，昨日諗住早D食，訂六點鐘再試一次，竟然更差。第一，三十幾度天氣之下，下層冷氣弱到不得了，要求開大D冷氣，伙記竟然話唔可以，開大D冷氣會跳fuse， 聽到呢句說話，我懷疑自己唔係喺香港， 結果一路食一路流汗， 成個人濕曬。第二， 所有海鮮連湯， 上枱時好似擺咗好耐至拎出嚟咁， 全部冇煙只係微暖， 連條蒸魚都唔熱， 問個伙記點解D餸全部唔熱， 佢摸下個碟話熱，跟住就走咗去。 結果我哋要搵個可以話事嘅唔知女部長定女經理， 佢嘅答案係可能客太多， D餸攞唔切出嚟，所以擺耐咗凍咗， 結果佢親自幫我哋將其中三碟拎入去畀廚師翻炒， 同將條魚淋熱油整返熱（ 條魚至算剛剛熟）。 基本上所有餸菜煮出嚟都全冇鑊氣，碟椒鹽瀨尿蝦同薑蔥炒蟹 一啲都唔香，嘥料。另外仲有一碟金銀蛋莧菜，莧菜老到死，鹹蛋又唔夠熟，我食咗一條已經放棄。第三， 由晚上六點食到七點半左右， 嗰位唔知女經理定女部長就問我哋D餸到齊未，因為有新客到，好似想我哋快D埋單。 真係未試過去食海鮮晚飯，連兩個鐘頭都唔夠就要走， 食到一肚氣，絕對唔會再去。P.S. 由條魚開始我已經唔再影相，因為越
第一，三十幾度天氣之下，下層冷氣弱到不得了，要求開大D冷氣，伙記竟然話唔可以，開大D冷氣會跳fuse， 聽到呢句說話，我懷疑自己唔係喺香港， 結果一路食一路流汗， 成個人濕曬。
第二， 所有海鮮連湯， 上枱時好似擺咗好耐至拎出嚟咁， 全部冇煙只係微暖， 連條蒸魚都唔熱， 問個伙記點解D餸全部唔熱， 佢摸下個碟話熱，跟住就走咗去。 結果我哋要搵個可以話事嘅唔知女部長定女經理， 佢嘅答案係可能客太多， D餸攞唔切出嚟，所以擺耐咗凍咗， 結果佢親自幫我哋將其中三碟拎入去畀廚師翻炒， 同將條魚淋熱油整返熱（ 條魚至算剛剛熟）。 基本上所有餸菜煮出嚟都全冇鑊氣，碟椒鹽瀨尿蝦同薑蔥炒蟹 一啲都唔香，嘥料。另外仲有一碟金銀蛋莧菜，莧菜老到死，鹹蛋又唔夠熟，我食咗一條已經放棄。
第三， 由晚上六點食到七點半左右， 嗰位唔知女經理定女部長就問我哋D餸到齊未，因為有新客到，好似想我哋快D埋單。 真係未試過去食海鮮晚飯，連兩個鐘頭都唔夠就要走， 食到一肚氣，絕對唔會再去。
P.S. 由條魚開始我已經唔再影相，因為越食越谷氣
張貼
