門面充滿日式元素，可能係新開，所以咁耐都未食過🤔
見到好多人叫呢個特盛燒牛肉丼($148)，睇落好唔錯！叫咗先知原來都幾大份😮食落唔會太鹹，帶小小甜味，上面有洋蔥、芝麻、菇作伴，食落好日式😋
見到有個激罕嘅火炙本鮪面頰壽司($68)，呢個我好似第一次見，用紫菜圈埋一齊食，增加咗整體texture☺️食落好鮮味，火炙後仍然入口即融，十分好食！
因為天氣比較凍，所以叫多咗2個串燒。手羽燒($40@2串)，燒得好香脆，但入面雞肉又唔會因為燒咗而乾身。好食！
多春魚串燒($40@條)，都係炸得好香脆，條骨同魚肉好易分開，食得好方便，條魚成個肚都係春☺️
Overall： 好值得visit嘅一間餐廳，係馬鞍山美食沙漠嘅一點清泉😋上嘅菜都係即整，好新鮮好熱🥰服務態度良好，收碟收得快，refill茶都好快！坐落好舒適，枱與枱之間有距離，唔會有壓迫感！
