店面比較細，只係得8個座位左右，所以去到嘅時候都等左一陣，但食完之後就發現係絕對值得等待。
🟡 蒜油蝦子撈麵
呢到唔只得平時食開嘅湯麵底，仲有得揀撈麵，巨量嘅蝦子鋪滿成碗麵🤤 每一啖都食到蝦子嘅香味，絕對貨真價實。燒牛舌芯夠厚而且唔靭，好味👍🏽 陳皮魚蛋亦都夠晒香，粒粒結實彈牙
但最值得一提嘅係佢地嘅湯底，每一啖都飲得出心機，絕對唔到一般嘅味精湯，而係用唔同嘅藥材香料熬製而成，飲到尾亦有陣陣陳皮嘅回甘香氣，好正🤤
🟡 醉炸雞翼皇
醉完嘅雞翼再拎去炸，有陣陣嘅酒香，而且又唔會炸到好乾，咬落去仲充滿肉汁
