泰屋

營業中

休息中

今日同朋友去食九龍城呢間泰國菜，聽講呢度既燒雞好好食，於是一坐低我地就即刻叫咗半隻燒雞，之後再加咗一個明爐烏頭同一碟泰式牛肉。食呢啲菜當然要配啤酒啦，所以我地都嗌咗一枝泰啤。隻燒雞真係好出色，雞皮燒得脆雞肉唔會好乾，送啤酒一流。碟泰式牛肉好有驚喜，上層係蒜同辣椒，中層係牛肉，下層係芥蘭，撈埋一齊之後味道啱啱好，牛肉係medium既熟度，肉質軟䭃同好重牛肉味。明爐烏頭個酸辣湯好開胃，令到啲魚肉好鮮甜。最重要既係呢度既泰國姐姐好nice好爽快，會同我地一齊飲返杯，呢一餐真係食得好盡興。