Crazy King Restaurant and Bar (已結業)

呢間小店選用貴價食材，廚師用心烹調，員工態度友善，食物賣相、味道一流，價錢合理，我係呢到食過一次晚餐，之前從未寫過食評，都想寫一寫讚讚！一開始食左西班牙水晶包，配上三種醬汁，本身以為平平無奇，但食落竟然有驚喜，咬落脆脆地，同醬汁非常夾，真係好好食～跟住仲食左意大利高級魚籽醬配吞拿魚、薯仔沙律、溫泉蛋作為前菜，後上的乾魚籽海蝦意粉亦非常足料，而普羅旺斯羊西冷肉質鮮嫩，講真個句，真係想再食🤔走前食埋甜品（brownie + 雪糕 + puff），非常滿足。呢間餐廳選料上盛，最重要係味道好好，絕對值得推介同支持！