Platform (已結業)

Bookmark咗位於大圍嘅Platform 有一至兩年喇，因為住得遠，所以一直拖又懶洋洋咁...但食過佢哋嘅食物之後，真係非常慶幸自己無因為遠而放棄唔去，仲一試就愛上呢間食店。嘢食yummy之外，Platform比人嘅感覺好homey，越坐越舒服😌Menu選擇唔係好多，但都望咗好一陣先揀到，好似樣樣都有興趣咁，最終揀咗以下嘅：🔸Shakshuka 港式煲蛋- 好過癮呀！竟然用瓦煲上食物！好港式 🤣 食物超級夠熱，而且仲好保溫，冬天食真係一流！鍾意食蕃茄嘅一定要試，因為茄味好夠濃郁，內裏有蛋，但蛋黃竟然做到溏心蛋嘅效果，有少少流黃嘅，好正！面頭嘅係羽衣甘藍，焗到脆卜卜，食落好似紫菜！見到有Bagel嗎？少少煙韌，軟熟口感較多，似麵包多啲，但都好食嘅。🔸French omette 法式卷蛋 配布里歐麵包-賣相真係好吸引！！卷蛋嘅色水好靚，好夠黃！！蛋味好夠，內裏捲住蕃茄同埋羽衣甘藍，簡簡單單，味道一啲都唔單調！麵包係brioche，雙面烘到金黃色，同樣又係好香蛋味，外脆內軟，好食喎！另外，沙律同樣出色，因為d菜好新鮮。最surprise係沙律dressing，有淡淡蜂蜜，又隱隱有花香，又