影片
更多
2004-04-04
33 瀏覽
尋晚,男朋友生日,諗住搵一個特別d嘅地方同佢慶祝。見到之前d網友嘅評價,決定去Habibi試一試,結果喜出望外!當晚我哋7點鬆d去到,當時客人唔多,個waiter俾咁個好特別嘅位置我哋,係喺門口旁邊自成一角嘅"私家位","私家位"係一個圓筒型具當地色彩嘅佈置,同出面隔開,有一個細小的門口,我哋要"捐"入去坐,入面就黑黑哋,有梳化同"咕o臣",仲有一盞幾靚嘅吊燈,但張枱就細張咗d,不過感覺都幾特別。我哋想試多d嘢,所以只叫咗一個set dinner（$290）,另外叫咗一個有牛肉碎、香料、葉同豆喺矮瓜上面嘅Mezze(熱頭盤)（$65）,但個名就唔記得喇!都幾大碟,幾抵食,味道都唔錯!而set dinner嘅Mezze就勝在樣樣有d,可以試多幾樣,如果第一次去不妨試吓,但試過嘅話我覺得散叫其他款式反而更抵!跟住主菜我哋叫咗Moza Dani(羊腿)（散叫$170,但我哋選擇咗呢個做餐主菜）同乳鴒香草飯(唔記得咩名)（$120）。Moza Dani好味d,肉質好"林",唔騷,個汁同d薯茸都好味,唔算太濃。乳鴒香草飯伴橙味醬料同沙律,個人認為個橙味醬料同隻乳鴒都幾好,但d飯同沙律帶酸味,而且
當晚我哋7點鬆d去到,當時客人唔多,個waiter俾咁個好特別嘅位置我哋,係喺門口旁邊自成一角嘅"私家位","私家位"係一個圓筒型具當地色彩嘅佈置,同出面隔開,有一個細小的門口,我哋要"捐"入去坐,入面就黑黑哋,有梳化同"咕o臣",仲有一盞幾靚嘅吊燈,但張枱就細張咗d,不過感覺都幾特別。
我哋想試多d嘢,所以只叫咗一個set dinner（$290）,另外叫咗一個有牛肉碎、香料、葉同豆喺矮瓜上面嘅Mezze(熱頭盤)（$65）,但個名就唔記得喇!都幾大碟,幾抵食,味道都唔錯!而set dinner嘅Mezze就勝在樣樣有d,可以試多幾樣,如果第一次去不妨試吓,但試過嘅話我覺得散叫其他款式反而更抵!
跟住主菜我哋叫咗Moza Dani(羊腿)（散叫$170,但我哋選擇咗呢個做餐主菜）同乳鴒香草飯(唔記得咩名)（$120）。Moza Dani好味d,肉質好"林",唔騷,個汁同d薯茸都好味,唔算太濃。乳鴒香草飯伴橙味醬料同沙律,個人認為個橙味醬料同隻乳鴒都幾好,但d飯同沙律帶酸味,而且都幾酸,食到最後我哋都放棄咗。
另外,我哋點咗Herbal Tea (熱)(一壺薄荷味嘅茶)同Hibiscus Tea (凍),我覺得Herbal Tea好正,一定要試,而Hibiscus Tea就一般。跟餐嘅甜品較甜,但味道唔錯!
由於尋晚係我男朋友嘅生日,佢哋送咗一小件埃及餅(應該係Balawa Bil Ishta)俾我哋,上面插住一支臘蠋,碟邊用朱古力寫住Happy Birthday。然後佢哋叫我哋出咗去bar枱,全場大大聲咁播起有d埃及話同英交嘅生日歌,都幾high!而且個餅都幾好食^^
到咗8點40分,我吔諗住閃,但個老闆留住我哋,叫我哋等多10分鐘睇埋跳舞先走。大約9點55分,一個較年長,著得好性感嘅女人出嚟跳舞(主要係係咁扭手、腰同搖擺胸部),都幾得意,佢仲邀請咗一位外籍人士同佢一齊扭!
到個女人跳完舞之後,我哋又諗住閃,點知個老闆又叫我哋坐多陣,睇埋第二場舞,但因為我哋都好攰,所以最後都決定咗閃~
如果想去,記得要訂枱,因為到7點幾8點已經full哂,要等位。如果想要生日餅,要訂枱時講埋。
張貼