相馬日式火鍋 觀塘 (已結業)

咁啱去開觀塘諗唔到食咩，問個住喺觀塘嘅朋友佢就話帶我嚟食呢間日式相馬火鍋放題店，果然冇介紹錯！未打邊爐之前已經見到佢哋有好多炸物小食，一定要食佢哋嘅單骨雞翼，超正！另外估唔到佢哋仲有點心，牛肉球同燒賣一定唔可以錯過啦🤩打邊爐方面除咗一般嘅配料之外，最重要就係海鮮同埋食肉啦！海鮮多達10幾款俾人選擇，識落味道一啲都唔腥，證明佢哋嘅海鮮都係新鮮嘅👍🏻然後仲有佢哋雞腿肉都好正，入口又滑又入味😋仲有就係竟然有大閘蟹！隻隻size都好平均，全部都幾大隻下，重點就係全部都有超級多蟹膏！平時好少食大閘蟹嘅我都一試就愛上🥰