川婆婆 (寶勒巷) (已結業)

已經係第二次嚟呢間餐廳用餐啦，餐廳嘅環境好有格調！今日同朋友慶祝生日，所以想搵間靚啲嘅餐廳好好傾吓計chill下✌🏻一嚟到，我哋就已經見到呢度嘅Staff好Nice咁但係我哋入座☺️好親切嘅笑容👍🏻又會同我介紹吓個餐牌有啲乜嘢好食咁樣，又會問吓我哋自己鍾意食啲乜嘢，我覺得佢嘅意見非常之幫助到我選擇食啲乜嘢。所以係佢哋員工嘅協助之下好快就點左餐了✌️✌️對於一個有選擇困難症嘅人來講真係幫咗唔少嘅忙。係等餐嘅時候其實都望吓周圍嘅環境發現原來真係都幾舒服，好似去咗啲韓國嘅餐廳咁嘅樣。終於都上菜啦～～～～～霸道尖叫雞158呢個名真係好搞笑，搞笑得來其實都好好食，真係好有內涵喎，同埋雞嘅份量都幾多，呢個價錢性價比超級高呀，出邊可能買隻計都唔係呢個價錢了。炸蝦仁卷 小食 58呢個係食尖叫雞之前可以試食呢個小食，非常開胃同埋好食。