景盛米線

首先，本人係第一次寫食評，亦係食完呢一間令我想推介俾各位，向各位分享點解呢間被我形容為值得一去再去會既餐廳!!!

是日係2012年7月1日，我無去到遊行，反而同幾位朋友入左大埔，(由於本人唔係住大埔，一年都係去一至兩次)

見到呢間餐廳，本人又中意食米線同薯粉，所以想試下!

入到入面，好乾淨，d枱好闊落，坐落都好舒服

水煮魚既魚好滑!!!

因為見到好多台都有點水煮魚，而我地都食到辣，點完後，覺得d魚真係好滑，又無雪味!!!

最愛既蒜泥白肉!

牛展好入咪

口水雞，一流

雞令我好驚喜，因為都無雪味，好好味

青瓜

青瓜一d都唔辣，絕對可以食完辣野調適一下既小食

泡椒鳳爪

發覺泡椒鳳爪都唔辣最後，大家滿載而歸，Waitress都好好禮貌，碟碟都好大碟，足料抵食
所以下次入大埔，景盛米線我一定會再去，下次要食雞翼