影片
更多
2018-11-21
56 瀏覽
今日book左想試好耐既海膽杯盛宴，身為海膽愛好完全係夢寐以求既餐 去左開左無耐既S2 鐵板燒，入面裝修好有日本居酒屋既感覺 可以坐bar枱望住師傅整一坐底waiter就介紹左好得意既一次性筷子套 好方便啊，同埋佢既茶係桔仔茶 好清香 岩晒濃味既鐵板燒飯⬇️今日個餐既餐牌一黎就係沙律同刺身，雖然係頭盤但都唔馬虎，成杯沙律好多蟹肉加埋黑醋好清新，甜甜地唔太酸，最緊要係啲刺身又厚身又新鮮 隻🦐甜到不得了，個蝦頭入面勁鮮！！！⬇️蟹肉黑醋沙律杯 同 北海道三點盛盒跟住就到期待左好耐嘅海膽杯⬇️落師傅十層海膽杯哇一上枱已經好surprise 因為有我之前起沖繩試過好好食嘅海葡萄！面頭有魚子醬 海膽 拖羅 魚子 下面有蟹肉海膽同埋乾海苔之後呢道菜係我覺得最好食既⬇️蟹粉甲羅燒海膽杯下面係蟹肉同蟹膏撈埋洋蔥碎 冇諗過會有洋蔥，但好夾 唔會因為全部都係蟹肉同蟹膏而好膩！好有鮮味 加埋海葡萄口感又有唔同跟住係⬇️北海道海膽流沙松茸蝦多士師傅技術非常好 係將原隻大蝦係鐵板上面剝殼，再煎到金黃同反到咁靚，啲流沙松茸汁好夾，一定要食埋佢嘅蝦頭 一定要讚下佢嘅材料係非常新鮮⬇️海膽焗原條海參完全無諗過海參可以咁樣煮 都可
去左開左無耐既S2 鐵板燒，入面裝修好有日本居酒屋既感覺 可以坐bar枱望住師傅整
一坐底waiter就介紹左好得意既一次性筷子套 好方便啊，同埋佢既茶係桔仔茶 好清香 岩晒濃味既鐵板燒飯
⬇️今日個餐既餐牌
一黎就係沙律同刺身，雖然係頭盤但都唔馬虎，成杯沙律好多蟹肉加埋黑醋好清新，甜甜地唔太酸，最緊要係啲刺身又厚身又新鮮 隻🦐甜到不得了，個蝦頭入面勁鮮！！！
⬇️蟹肉黑醋沙律杯 同 北海道三點盛盒
跟住就到期待左好耐嘅海膽杯
⬇️落師傅十層海膽杯
哇一上枱已經好surprise 因為有我之前起沖繩試過好好食嘅海葡萄！面頭有魚子醬 海膽 拖羅 魚子 下面有蟹肉海膽同埋乾海苔
之後呢道菜係我覺得最好食既
⬇️蟹粉甲羅燒海膽杯
下面係蟹肉同蟹膏撈埋洋蔥碎 冇諗過會有洋蔥，但好夾 唔會因為全部都係蟹肉同蟹膏而好膩！好有鮮味 加埋海葡萄口感又有唔同
跟住係⬇️北海道海膽流沙松茸蝦多士
師傅技術非常好 係將原隻大蝦係鐵板上面剝殼，再煎到金黃同反到咁靚，啲流沙松茸汁好夾，一定要食埋佢嘅蝦頭 一定要讚下佢嘅材料係非常新鮮
⬇️海膽焗原條海參
完全無諗過海參可以咁樣煮 都可以煮得咁嫩因為想像中既海參得中式既煮法，但估唔到海膽都咁襯海參👍🏻
⬇️海膽醬芝士焗龍蝦
睇到相就知睇住師傅煮都係好精彩既表演，原隻龍蝦加埋海膽醬 有啲似千島海鮮醬味，加埋超多芝士 用火槍燒溶，啲肉仲好嫩🤤
其實食到呢度已經飽飽地但係望多下一道菜係和牛！⬇️A5黃牛松茸海膽卷
痴線五成熟入口即溶，入面既海膽都係！松茸勁香 有口感！好食到想encore
⬇️蟹粉海膽黑松露炒飯 & 燒野菜
雖然望落去好普通但都不得不讚佢個炒飯炒得粒粒分明，聞落去同食落去都好香松露味，原本既撈左海膽汁既濕飯 可以炒到識跳咁！好食
其實已經飽到不得了 不過下一味係清清地既⬇️S2特式松茸湯
係用個袋裝住架！個湯好清但好鮮 隻蜆好大隻好嫩！岩晒食完一大堆濃味野
最後一味都好震驚，係海膽雪糕！
真係連雪糕都有海膽味 鹹鹹地 雖然應該唔係個個人都接受到但係我就覺得真係好新奇！
即係總括呢間鐵板燒真係我食過最精彩最好食嘅鐵板燒，佢嘅菜式好新奇 整得又好食最緊要食材非常新鮮，食得出係有落本同有心機既餐廳！超 級 推 薦！以呢個價錢真係好抵！
張貼
