醒

由佢一開鋪就好想想去試，因為每次經過都總係會有陣陣香味，時為咖啡香，又或意粉香，仿佛用盡唔同「手段」引誘途人，不過可惜我係last minute fighter，所以每次都急急腳走過番工今日終於都「的」起心肝一會佢啦!

今次叫咗芝士蕃茄香草雞肉意識包同意式泡沫咖啡，本身一個包要$47，真係有D貴，不過加$6有cappuccino飲，成件事就唔同講法啦! 個包真係幾足料! 睇相就知道佢個雞扒都幾大件，同M記比真係差得遠XD無過多既調味，食落唔會好漏，反而有蕃茄同芝士襯托下成件事變得好fresh~

至於cappuccino算易入口，咖啡味唔算特別重，唔會太苦或酸，係適合大眾既口味

順帶一提佢地只有外賣咋，想坐低食可能要買完行去海旁食啦!