萬家廚房 (已結業)

星期六晚二人去試。廚師、企堂、清潔、收銀都係得一個人做埋。茶水自必然欠捧、提佢一次要茶都無理會，算了！叫三樣餐牌上嘅食物，完全無。諸多藉口 : 貨未到、質地唔靚、下星期至有……。硬消巨鰻飯，話正，枱枱都叫。梗係哪，只推薦巨鰻飯，一係就得牛肉飯，無第三樣選擇。惟有冒險試巨鰻飯。睇住佢用微波叮，OMG，完全無燒嘅風味。最恐佈係佩中國大䓤加中國椰菜，感覺在食中國餐。倒不如去百佳買返屋企自己煮。星期六晚份屬旺場，但只得到以上所述待遇，可想而知，關門笠先兆！