鍋心 (已結業)

從來上Openrice都只看不寫，但今次要將依個第一次＂送＂俾依間餐廳。 訂位時講明食2個鍾，餐廳的宣傳品都係寫食2個鐘。 我哋6：05入坐, 結果7：35有個阿姐就拎張單埋嚟話剩番15分鐘，我問我哋6：05入坐唔係應該可以食到8：05？ 個阿姐剩係不斷同我哋講“差唔多啦～差唔多啦～”。   到7:45見我哋仲食緊另一個男既過嚟張我哋檯面d食物直接倒落個鍋裏面（絕冇問過我哋！）跟住收埋d空盤同碟走～～～過幾分鍾個男直接過嚟叫我哋“熄火喇～熄火喇～”趕我哋走。 我同佢講話都未夠鍾，個男既就不斷講“我哋d單入咗系統絕冇呃鍾呀～”， “下次嚟俾你哋坐耐d”， 結果我哋落到樓下都未夠7：55………………令我“高興”既係依間餐廳都做到一視同仁，因為我哋見到其它有幾臺都係咁俾佢哋趕走。既然講明係食2個鐘就應該俾足時間，如果係覺得時間太長大可以改成1.5個鐘，只要係清清楚楚講明就冇問題。平心而論，係任食火鍋嚟講依間既食物質素算唔錯～但依種欺騙顧客既做法真係太過分～冇下次～～～