海膽仔

營業中

休息中

海膽仔位於新蒲崗，由啟德站行去只需要8分鐘左右。大家去之前最好要訂定位，雖然餐廳有兩層，但walk-in都有機會等好耐或者冇位。主打海膽當然要是唔同款嘅海膽啦，另外仲有唔同款嘅新鮮生蠔、刺身。而且每日有唔同嘅空運海鮮（飛機貨）。今次我哋叫咗海螺、深海池魚兩款刺身。最特別係池魚刺身，店員話可以2食，先係幫我哋切片魚生，然後將魚頭湯魚尾拎去煮魚湯。鴨肝方面，煎得好香，外脆內軟。至於串燒方面，叫咗荔枝煙肉，食落一般，因為荔枝太甜，唔夠香，而且煎得唔夠熱。