一寿司 (已結業)

十點後半價so食左一次即係十一點幾十二點都照樣放人入去，佢又無講收幾點...入到去又催我地落單，一落就已經話last order，咁我地咪叫多d囉d野食好快就到哂都未食到三份一(十五分鐘都無)就催我地埋單，最重要係不停行去我地張，勁騷擾壽司唔算新鮮，唔算好味，不過不失好心如果早收鋪就唔好放人入去啦之後有個人走埋泥話要收鋪，我地野都未食到一半就想趕我地走問題錢就收左，四百幾五百嫁呢餐！又唔俾外賣帶走(佢話特價所以唔俾拎走)，想點呀而家！嬲嬲地所以走啦，走左先醒起佢仲有個蘋果雪葩未上，拿拿聲返去拎，唔食都唔益佢啦。成三十幾蚊一個，我地仲叫左四個嫁！拎果陣佢地仲黑哂面咁，我地俾哂錢你唔俾我食哂唔俾拎走仲要黑我面？個雪葩細到不知所謂，人地一個蘋果係上面切開，佢就中間切，勁少雪葩都夠膽賣30幾蚊？well，真係請我都唔會再去囉。