影片
更多
2022-05-11
34 瀏覽
之前聽朋友推介呢間Omakase，重提我一定要提前book位，今次終於等到機會同朋友去試下，係外面餐廳食omakase通常只係得toro有做熟成，估唔到今次黎呢間餐廳，係全部魚都有做熟成，真係要好好細心品嘗。😋首到入到鋪內，係簡約日式裝修，比人一種好舒服嘅感覺，兩位師傅喺到準備緊食材，亦見到師傅現磨wasabi。同朋友坐低左後，老闆娘就為我哋遞上濕毛巾、熱茶、口罩袋。同朋友傾談一陣，就黎左第一道前菜。🐟沖繩水雲，微酸好開胃嘅感覺。🤩🐟螢烏賊，上面橙色嘅就係小麥味噌。🐟北海道飽魚，附上肝醬，食到好甘香嘅味道，而且青森大根入口即溶好入味！🐟舞茸茶碗蒸，同外面食嘅茶碗蒸好唔同，加上魚湯整成，味道香濃。推介！！🤤🐟漬物分別有大根，少少回甘嘅牛蒡，好爽口嘅長芋。然後終於到主菜了😆🐟愛緩蜜桔鯛，師傅介紹蜜柑鯛飼養時飼料中加入左蜜桔果皮 ，熟成15日，食落有陳皮同蜜枯香味，好新鮮嘅感覺。🐟北海道櫻鱒，油香充滿在口中。🐟皮剝魚，魚肝整成嘅醬加上熟成，食落有花生香味。🐟青森三厩大toro，熟成兩個月，味道更濃郁，吞左落去後，香氣仍然停留在口中。🤩🐟青森三厩中toro，用左醬油漬，同岩岩同一魚但係有唔同味
首到入到鋪內，係簡約日式裝修，比人一種好舒服嘅感覺，兩位師傅喺到準備緊食材，亦見到師傅現磨wasabi。
同朋友坐低左後，老闆娘就為我哋遞上濕毛巾、熱茶、口罩袋。同朋友傾談一陣，就黎左第一道前菜。
🐟沖繩水雲，微酸好開胃嘅感覺。🤩
🐟螢烏賊，上面橙色嘅就係小麥味噌。
🐟北海道飽魚，附上肝醬，食到好甘香嘅味道，而且青森大根入口即溶好入味！
🐟舞茸茶碗蒸，同外面食嘅茶碗蒸好唔同，加上魚湯整成，味道香濃。推介！！🤤
🐟漬物分別有大根，少少回甘嘅牛蒡，好爽口嘅長芋。
然後終於到主菜了😆
🐟愛緩蜜桔鯛，師傅介紹蜜柑鯛飼養時飼料中加入左蜜桔果皮 ，熟成15日，食落有陳皮同蜜枯香味，好新鮮嘅感覺。
🐟北海道櫻鱒，油香充滿在口中。
🐟皮剝魚，魚肝整成嘅醬加上熟成，食落有花生香味。
🐟青森三厩大toro，熟成兩個月，味道更濃郁，吞左落去後，香氣仍然停留在口中。🤩
🐟青森三厩中toro，用左醬油漬，同岩岩同一魚但係有唔同味道。😋
🐟冠雪蠔，有半隻手掌咁大隻，爽口鮮甜，配上柚子酸汁好fresh。
🐟北海道紫海膽，師傅親自交到我手上，好細心咁提我要快啲食，唔係紫菜就會淋😆 海膽食落好甘甜，唔會澀👍
🐟白子，濃厚奶滑。
🐟北海道沙甸魚，師傅介紹返因為本身條魚好多骨，所以需要師傅小心取骨，另外切花亦見到師傅嘅刀工👍
🐟長崎赤鯥，熟成14日，面頭有魚的肝膏，有炙燒過嘅香味。
🐟兵庫烏魚子，熟成後香味好濃郁，讚👍
🐟鮟鱇魚肝，用左慢煮嘅方法烹煮，淋身少少，味道甘香，份量好足，滿足😋
🐟活北寄貝，新鮮爽口🌊
🐟用左所有魚一齊炮製嘅濃湯稻庭烏冬，個湯好香濃，飲到一滴都冇剩😆
🐟最後就以清甜嘅北海道赤肉蜜瓜作結。
享受完呢一餐Omakase後特登問左師傅，佢好細心為我地介紹熟成魚嘅特點，真係長知識呀，熟成完既魚個味道層次都昇華咗，texture更加軟滑。今次食完好似去左一轉日本咁，十分推介大家都去感受一下👍
張貼
