六本渥日本料理鐵板燒+爐端燒 (已易手) 新餐廳

今日同老婆結婚週年紀念， 諗住尖沙咀食下鐵板燒， 行過加拿芬道格蘭中心，見到有間幾特別喺正 商場入面 地庫， 於是入去試下， 落到去之後環境幾特別， 有日本格調， 侍應都好有禮貌， 之後安排咗我哋坐一張鐵板烧位， 服務員叫我哋啲 外套及手袋可以放喺個櫃裏面, 避免可能有煙嘅關係會有陣味， 之後就介紹我哋食， 我睇完個menu之後， 就叫咗個海鮮套餐,見落都幾抵食呀,加多100蚊有任飲清酒或啤酒兩小時， 之後就上前菜刺身，跟住有個師傅就係鐵板燒面前再煮主菜， 全個過程有講有笑與顅都好融合， 不會好似其他鐵板燒餐廳師傅，只係煮，冇同顧客一齊互動。 另外每食完一樣嘢就會換碟， 服務好好。 如果同朋友嚟食一大班亦都係一個好選擇。