夏雪 (已結業)

講真，「夏雪」已經HIT左好鬼耐，但實在有D遠，因為要食就想食總店，久久未有黎，今次同朋友係灣仔食完晚餐，的起心肝過黎！搭叮叮坐到去堅尼地城總站，行過黎好近。大約晚上9點到，已經近乎滿坐好彩仲有位，原本一早已經諗好要試佢個紫薯心太軟，因為一直都想黎試呢個，點知已經冇哂⋯⋯所以想食佢個紫薯心太軟既話要早啲黎。於是點左紫薯窩夫、雪芭盛同竹炭黑芝麻牛奶。紫薯窩夫 $88有兩塊切半既窩夫，窩夫好厚料！完全唔會食空氣咁，而且烘得香脆，蛋味亦頗濃，而紫薯填左每塊窩夫既二分一左右，好欣賞冇刻意加甜紫薯餡，係本身紫薯自己既味道，所以窩夫完全唔會偏甜，鐘意食甜啲既就可以淋附上既糖漿。面上既雪糕以為係普通雲呢嗱味？錯啦！係豆腐味，質地較硬身，凍冷冷雪糕同熱辣辣既窩夫一齊食，不嬲係至佳組合。食完仲有哈密瓜做甜品，都咪話唔飽雪芭盛 $88有三隻味道，從左至右分別係：白桃、柚子同椰子。白桃味配上士多啤梨片，淡淡既甜味； 柚子配上柑桔肉，微微甘味；椰子味則配上紅豆，味道好重，好香。食飽飯食雪芭個胃都舒服啲竹炭黑芝麻牛奶 $45(熱)唔知道原來叫杯牛奶都有拉花，黑芝麻味都頗重，唔飲咖啡既人點呢杯係不錯既選擇。走既時