茶聊

營業中

休息中

雖然呢間餐廳最人氣係鳥籠漢堡🍔同埋手抓餅🌮，但因為本身太熱氣，下巴又生左瘡，今次決定試下佢地既意粉🍝同燴飯🥘，果然無令到我失望🥳加拿大珍珠帶子卡邦尼手工濶條麵雖然係卡邦尼，但食落去有種芝士🫕既感覺，好creamy,，令人忍唔住食多幾啖，不過食到後期有d膩，不過呢個意粉絕對足料，有好多粒加拿大珍珠帶子，絕對過到口癮。菠菜烤雞薯茸忌廉汁配牛油梨醬意大利飯一上菜時，中間有嚿燒肉物體，原來係烤雞肉🍗，外皮烤得酥脆，入口嫩滑，可惜雞肉分量太少，食兩啖就無晒。牛油梨醬🥑比想像中少，不過整體燴飯都非常清新，食極都唔膩，值得一試。另外，我地仲每個套餐+$28，加左兩個小食喇沙煮鮮海蜆（細份）每隻蜆都大大粒，好個癮，喇沙調味適中，不會過咸或淡，豆卜嗦晒d喇沙汁，好yummy😋網紅忌廉芝士磨菇釀雞翼（2隻）本身好期待叫呢款小食，但上菜後沒有特別驚艷，只係平平無奇既芝士磨菇釀雞翼，驚喜不太，對比其他食物，相對比較失色總體來就，呢個cafe高質，整體食物質素有保證，不會中伏，下次一定要黎試下佢地招牌既髒髒紫薯鮮奶、髒髒黑糖珍珠鮮奶🧋，幾乎每枱都叫，睇見都留口水🤤。