想食好耐嘅富東閣🥳 終於約咗fd子一齊食🥳 我哋夜晚去食，所以就冇叫點心，兩個人食一個片皮鴨其實都夠飽，我哋叫多咗個煲就食唔晒🤣 不過有啲唔同嘢食吓冇咁dry🤭
🦆 京式片皮鴨 （$178）
片皮鴨皮夠脆，啲肉肥瘦適宜，就咁食就有少少dry，沾埋個醬食好好味，個醬唔夠仲可以加㗎！🙈 個片連埋蒸籠上枱，上枱嗰時仲係冒煙㗎😋 每塊片之間都隔咗一塊蒸籠紙，以防痴住，好細心👍🏻 拎塊皮，包住鴨、青瓜、蔥絲，沾醬，正🤤 呢個價錢真心抵食！
🍜 沙嗲肥牛粉絲煲 （$98）
呢個煲好好味😆 好大煲又超級足料，好多肥牛，味道濃郁又夠濕潤，balance返片皮鴨🙊！
另外茶芥（$24/2人）
