海記合桃坊甜品 (已結業)

想食咗芋圓好多日，朋友就話呢間嘅芋圓唔錯，就一心黎試到太子試下！糖水舖來講，呢間都算開得早，下午一點就已經開咗，而且我哋去嘅時候人都多，坐滿晒成個場。朋友叫咗個紫薯芋圓紅豆沙(熱)，紅豆沙食落去好麵，而且都唔會太甜，紫薯圓反而冇咩紫薯味，而且份量都算少，睇落每樣都係得五粒到。我就叫咗個熱嘅豆腐花溝紅豆沙再加三色圓(紫薯圓、芋圓、番薯圓)加10蚊。豆腐花食落去好滑，溝埋紅豆沙成個味道好夾。今次加左＄10嘅三色丸，份量睇落已經好多，而且好有心思將佢搓成圓形，食落都覺得開心啲。食芋圓嘅糖水舖來講，呢間唔算貴同埋質素都唔錯！