MOS Burger (已結業)

終於開到青衣, 方便就腳,落樓下就得食間鋪隔離就係味千, 但一望就知呢間係堅野, 鋪頭出面勁多人等緊, 望入去裝潢幾靚, 員工好忙咁行黎行去, 仲見到成個整包過程, 見住自己個包整出黎真係口水都流埋呀~因為趕時間既關係, 我選擇左外賣, 排隊等左五分鐘左右, 算係好快, 因為我前面有成十個人, 條龍排到去玻璃, 之後就坐係出面等, 見差唔多十分鐘就行入去望下個整包過程其實都好快, 等左十五分鐘到就完成, 個員工仲好好笑容, 以咁多人等緊黎講真係算唔錯, 員工唔多架, 十隻手指都數得哂, 都keep到咁既服務水平, 讚!鍾意食最原始既mos burger, 唔知係咪新開張既關係, 覺得個包大個左厚左, 塊蕃茄好新鮮好厚, 肉醬好正!塊肉好juicy~成個包好熱, 行到返屋企食打開仲有煙出, 好香牛油味! 沙律好大份好新鮮~我估計係因為成間鋪既turnover高, 所以d野食都新鮮d~值得去試下呀!我短期內都會再去~