蘇媽.蘇媽馬來西亞茶餐室 (已結業)

前排約左中同👭🏼👩🏼‍🤝‍👩🏽聚舊@蘇媽.蘇媽馬來西亞茶餐室想試呢間餐廳好耐！次次經過都見大排長龍，好彩當日等左十分鐘度就入得。鋪面同室內裝修都好有馬來西亞舊式茶室既風味，座位都算闊落舒服。🐷🥣一字骨百吉爹肉骨茶💰💲128點完餐後會有肉骨茶奉上，仲無限添飲。肉骨茶藥材味香濃，熱辣辣，帶回甘，舒服飬生。而一字骨煮到亦十分軟腍入味。🐀🥘招牌砂鍋老鼠粉💰💲88老鼠粉外型有啲似老鼠尾巴但其實係銀針粉，色澤透明口感爽彈。配料有豬肉碎、魚乾、豬油渣、炸蒜、葱花等，面頭打隻🍳生雞蛋再撈勻，食落順滑香濃。份量多、層次豐富，咸香惹味！ 🍜🦐檳城福建蝦麵💰💲62以豬骨、蝦殼、蝦頭等熬成湯底，微辣鮮甜，啖啖油麵都滲入湯汁。配料有豬腩肉、芽菜、蝦、魚片、蛋等非常足料美味。🍞🥥椰香咖央多士💰💲32見抬抬都叫一份，我地都唔執輸😂。多士烘到夠香脆，麵包質感鬆軟，吃起黎唔會鎅口。 咖央醬順滑濃稠，帶微微椰香，甜度適中，讓人一口接一口，個人覺得係必點。