Y Show Tasty (已結業)

上次weekday訂左枱食唔到，之後啲booking一係就好full一係就唔岩時間，等左咁耐，終於比我來到啦🥰帶子蟹肉濃湯$78🦀個碗比我想像中細😂食落好濃味，都幾creamy，但略鹹，帶子有兩大粒，食落幾滑幾爽口。香烤乳豬$268🐷到杜生食到停唔到口嘅乳豬😍感覺上可以烤得再耐少少，乳豬就會再脆啲(我望住格離枱切落去下下都有清脆嘅聲音但我個舊就無乜🥺)食落層次分明，肥嘅部份唔會太油，瘦啲嘅部份食落好嫩滑好入味。醬汁方面有兩款比你揀，分別係芥辣同乳豬醋，個人而言，肉嘅部份點芥辣，有皮同肥肉嘅部份配醋會滋味啲😋龍蝦蟹肉寬絲麵$188🦞份量望落好少但食曬都幾飽下，望落以為無乜汁但食落充滿龍蝦嘅鮮味😌龍蝦同蟹肉口感唔錯，味道都幾鮮。