玖拾烘焙 (已結業)

之間網上見過呢間網店，而家係新蒲崗開左實體店！門口一入去就見到擺滿左好多唔同口味嘅bagel，每個都係脹卜卜好可愛(⁎⁍̴̛ᴗ⁍̴̛⁎)夾落勁聚手勁足料！今次就試左三款bagel🔸伯爵無花果乳酪 包體陣伯爵茶味好出！濃得黎又唔會太甜，焗熱左仲有陣甘香味。無花果酸酸地帶籽有口感，加cream cheese陣奶香味，襯落伯爵茶包中和左陣酸味，變左淡淡酸甜帶有茶香！🔸摩卡咖啡麻糬 包體唔算好濃咖啡味，有淡淡咖啡香又唔會苦澀，巧克力奶酥好濃郁，配埋牛奶麻糬，唔會太甜。加熱後包體好有嚼勁，奶酥好軟腍，麻糬流心，一淡咬落去有三種口感，真係好幸福🤤🤤🔸巧克力奶酥麻糬 包體好回彈！雖然包體朱古力味唔算好出，但入面嘅朱古力奶酥真係好香濃，唔係甜個種朱古力而係似dark chocolate。牛奶麻糬好QQ好煙韌，朱古力愛好者一定要試！🍫