金鶴拉麵 (九龍城道) (已結業)

之前去過佐敦嘅金鶴拉麵食過，排隊排到痴咗線，仲要我夜晚太夜過去所以賣晒鰻魚飯。見到上網介紹真係好想試吓佢哋鰻魚飯，咁啱今日嚟到土瓜灣。諗都唔諗就試吓佢哋金鶴拉麵嘅分店，一坐落嚟即刻問佢有冇鰻魚飯， 今日勁好彩仲有鰻魚飯終於可以試到。除咗鰻魚飯之外都叫咗個雞白湯拉麵，雞白湯拉麵我都食咗至少五次，真係唔錯。講返今日嘅重點鰻魚飯先，鰻魚飯好厚肉， 真係同外面嘅鰻魚飯有分別，佢哋飯同埋鰻魚嘅比例係一比一，超級無敵大舊鋪左係上面係有兩大舊。唯一有少少不足嘅係我覺得鰻魚汁可以落多少少因為個飯唔係太夠味道，不過個鰻魚真係啖啖肉得來好Juicy成口油好正