影片
更多
2010-12-12
18 瀏覽
响隔離朗豪坊行完街, 但又係晚市最繁忙時間, 周圍都冇位, 唯有上雅蘭碰一碰運氣啦~~ 上到去間間都有人等緊位, 唯獨呢間冇人等位, 所以選咗呢間, 但我地係第一張等o既枱, 都要等十分鐘...............仲要係坐門口果張枱............. 不過是旦啦~~ 肚仔餓, 唔等第張, 入去即坐低睇下有乜食..........此時有個侍應姐姐向我地推介 "楊枝甘露", 宜家做緊特價, 我記得好似係半價咁上下, 實際唔記得幾錢, 咁我地話OK轉頭先, 因為我地想叫咗嘢食先.............當我地叫完嘢食, 想叫嘢飲時, 侍應姐姐竟然話已估清......吓..........相隔唔夠5分鐘, 而且中途又唔見有其他新客, 又會突然咁快沽清?? 唉...............做得推介sell比d客, 應該預備多d貨架嘛~~ 咁快就沽清, 咁不如唔好sell啦~~~ 上菜速度唔算好慢, 但開頭都要等差不多十五分鐘, 中途相隔10分鐘左右............. 香花菜蒜茸炒軟殼蟹 香花菜唔知係咩菜, 但蒜茸係已經炸香果種, 再加埋其他稥料配菜, 炒得都幾香, 可惜軟殼
上菜速度唔算好慢, 但開頭都要等差不多十五分鐘, 中途相隔10分鐘左右.............
香花菜蒜茸炒軟殼蟹
香花菜唔知係咩菜, 但蒜茸係已經炸香果種, 再加埋其他稥料配菜, 炒得都幾香, 可惜軟殼蟹只得2只, 每只再割開一半, 份量少咗d, 但炸得幾香, 炒完之後都唔會林哂.......
越式四拼
香炸雞翼 -> 得2只, 係就係炸得好脆, 但d雞翼食唔出有味lor~
越式春卷 -> 有2條, 開半後可以話有4條, 但個皮超un, 都唔脆口, 從來未食過咁un的春卷, 餡料亦係普通的粉絲, 紅蘿蔔絲, 木耳絲等等, 亦都有比生菜你包住一齊食
水晶蝦卷 -> 有1條, 開半後變成2舊, 但隻蝦好明顯得1隻, 因為得1條蝦尾, 粉皮包住d生菜, 蝦, 粉絲, 韮菜花............一定要落碌冧食, 因為全部都係淡而無味的.............
燒牛肉蝦片 -> 有2塊蝦片, 裝住d牛肉碎, 但唔明點解塊蝦片中間穿窿?? 咁樣點搞到d牛肉跌哂落街lor~~ 塊蝦片又un又唔脆, d牛肉又乾.............
大鹹濕
其實即係鹹檸七, 個鹹檸d皮唔知點解咁硬, 點整都唔爛, 好彩已經切開兩邊, 如果唔係都唔知點搞?? 茶餐廳果d成個都可以整爛, 呢度出盡力都唔得, 唔知係咪唔同品種?? 但呢杯嘢係全晚最正!!!
好奇怪地整杯鹹檸七要幾耐?? 第一次叫咗1杯, 等咗5-8分鐘左右, 第二次re-order竟然等咗十多分鐘先嚟...............
菠蘿蝦羔炒飯
炒飯放於新蘚菠蘿上, 不過只係其中一個器皿..............炒飯未食已經嗅到好香蝦羔味, 但食落口又唔會太鹹, 再加埋d蝦仁, 札肉等等, 雖然冇乜料, 但個飯炒得唔錯, 係油咗少少, 但都算幾乾身............
蜆港炒金邊粉
話明蜆港, 當然有蜆啦~~ 另外仲有札肉, 雞肉, 蝦仁, 韮菜, 芽菜, 同埋1種唔知咩菇, 係超巨型, 一開四之後都仲係好大粒~~ 但個粉炒得太油, 又冇乜味, 加咗d碌冧之後先好食d~~
張貼
