影片
更多
2010-06-30
58 瀏覽
小妹被困左係葵興呢個工業區都有好幾年, 平時多數帶飯, 因為呢頭冇乜好野食, 出去食多數都係食d 大排檔或煮飯堂果d咁。今日返工果陣有人派左張單張, 原來九龍貿易中心1期開左間新酒樓, 咪講笑真係好想call 齊公司d 姐姐仔去踩場, 點知lunch 已經訂唔到位，咁算la , 諗住公司係隔離,下次再去囉. 可能個天知我地好想試, 我地做廠邊有得準時放工, 晚晚都要ot 今日都唔例外，做到7點幾時大老闆話不如今晚一齊食飯, 咁夜都未食，咁我梗係爭取機會話不如去試新野, 開左間酒樓係九貿,我地連埋老闆,一行6人就快快手完成手頭工作, 去食飯。呢間酒樓叫威軒酒家個名好熟, 不過唔理好肚餓食左先至講; 嘩一上到去, 勁多花籃喎, 入口兩邊放滿哂.勁得. 我地上到去大約8點3到, 估唔到都有10枱8枱客, 房都有喎, 可能新開張好多人好似我地咁試新野卦. 一入到去, 個感覺好靚, 裝修好有心思, d 燈同埋櫈都好靚, 簡直有d 感動, 覺得自己依家好似置身係尖沙咀同銅鑼灣d 酒樓咁,終於可以擺脫屋村酒樓嘞,自從係呢頭返工都係第一次見到間似酒樓的酒樓呀. 我地幾個大鄉里一坐低就梗係睇下食乜,
今日返工果陣有人派左張單張, 原來九龍貿易中心1期開左間新酒樓, 咪講笑真係好想call 齊公司d 姐姐仔去踩場, 點知lunch 已經訂唔到位，咁算la , 諗住公司係隔離,下次再去囉.
可能個天知我地好想試, 我地做廠邊有得準時放工, 晚晚都要ot 今日都唔例外，做到7點幾時大老闆話不如今晚一齊食飯, 咁夜都未食，咁我梗係爭取機會話不如去試新野, 開左間酒樓係九貿,我地連埋老闆,一行6人就快快手完成手頭工作, 去食飯。
呢間酒樓叫威軒酒家個名好熟, 不過唔理好肚餓食左先至講;
嘩一上到去, 勁多花籃喎, 入口兩邊放滿哂.勁得. 我地上到去大約8點3到, 估唔到都有10枱8枱客, 房都有喎, 可能新開張好多人好似我地咁試新野卦.
一入到去, 個感覺好靚, 裝修好有心思, d 燈同埋櫈都好靚, 簡直有d 感動, 覺得自己依家好似置身係尖沙咀同銅鑼灣d 酒樓咁,終於可以擺脫屋村酒樓嘞,自從係呢頭返工都係第一次見到間似酒樓的酒樓呀.
我地幾個大鄉里一坐低就梗係睇下食乜, 我地望到張單張,好正忍唔住笑左出黎, 要贊下個marketing 咁識食住個勢用左依家最hit 的口號. 原來真係超錯價$8.8/一隻龍蝦, 冇錯大家冇睇錯, 我地都有d 唔信於是問左原來真係囉, 仲要係足一斤, 我地2話不說梗係要左一隻, 仲有個魚$88/條, 係東星斑黎喎, 講真個價錢真係好吸引, 可能新開張, 所以我地都覺得好抵. 跟住我地又叫左個燒味拼盤, 嘩原來係好大碟, 個拼盤有义燒, 燒鵝, 乳豬, 仲有燒肉, 仲有鴨胸同埋海浙呀, 不得了個义燒真係水準之作, 入口即溶, 慘唔知係咪係呢個區太耐,好耐冇食好野咁.
個乳豬皮好好好脆, 要用3個好字先可以形容到囉.
order 左一隻特價龍蝦, 上湯焗, 真係好抵, 我老闆話應該有斤幾重呀. 未黎之前都唔信, 落到張枱先唔理咁多,食左先至講. 平時同老闆食飯都好悶要聽佢講下野, 今餐大家都好集中精神密密食,
中段連條魚都黎埋, 清蒸得喎, 冇過火, 時間岩岩好, 好滑, 我當然唔執輸,同我同事分左個魚頭. 正.
仲有一碟上湯菜膽, 又叫左個荷葉飯, 呢個飯係我覺得掂因為裏面真係有蓮子, 我第一次食到咁有心機的荷葉飯, 得喎, 要加分.
最後個經理同我地傾計, 叫我地支持下, 仲送左碟棉花小白兔俾我地做甜品, 好得意入口即溶d 棉花糖. 大家要試下.
我老闆仲同個經理鬼咁social , 又話第時可以同客係公司開完會落黎食, 終於呢個區有返間見得人的酒樓. 我地幾個當然冇理咁多, 不停係咁食食食, 掃哂全枱野食, 我地仲發現佢個設計係冇柱, 仲講笑話可以係度擺酒, 點知經理話呢度可以擺32圍喎, 老闆都忍唔住話公司可以係度攪annual dinner 喎, 連平時對食野有要求的老闆都滿意, 証明真係水準之作.
不過可能新開, d 侍應都有d 生手, 不過第一日都算冇乜混亂, 希望佢地可以越早越好. 我地仲話揾日約埋另一team 同事黎飲茶, 佢d 點心都唔係貴喎, 星期六/日仲好似小點係8.8咋, 揾日做下孝順女帶阿媽黎食, 雖然我地由葵芳過黎都唔太遠, 不過都要行, 遲d 佢條橋係葵興站駁過黎都方便好多, 連我地返工都方便埋到時.
因為掛住食, 唔記得左影相,. 下次補返.
埋單時見到好似都係$7XX , 嘩每人都係百鬆d 蚊咋, 好抵呀.
張貼
